ප්‍රාදේශීය ලේකම් කාර්යාලය - තුම්පනේ

 

 

දේශාංශ 7’ 20 – 7’ 25 හා අක්ෂාංශ 80’ 25  - 80’  30  අතර පිහිටි තුම්පනේ ප්‍රාදේශීය ලේකම් කොට්ඨාසය මධ්‍යම පළාතේ වයඹ බෑවුමට වන්නට ස්ථානගත වී ඇත. එය උතුරින් පුජාපිටිය ප්‍රාදේශීය ලේකම් කොට්ඨාසයෙන් හා කුරුණැගල දිස්ත්‍රික් මායිමෙන් වට වි ඇති අතර, නැගෙනහිර දිශාවෙන් පුජාපිටිය පරිපාලන මායිමෙන් හා හාරිස්පත්තුව ප්‍රාදේශීය ලේකම් කොට්ඨාසයෙන් මායිම් වි ඇත. තවද  දකුණු දිශාවෙන් හාරිස්පත්තුව පරිපාලන මායිමෙන් හා හතරලියද්ද  ප්‍රාදේශීය ලේකම් කොට්ඨාශයේ පරිපාලන මායිම සහ කුරුණැගල දිස්ත්‍රික් මායිමෙන් ද වට වි ඇත.දේශාංශ 7’ 20 – 7’ 25 හා අක්ෂාංශ 80’ 25  - 80’  30  අතර පිහිටි තුම්පනේ ප්‍රාදේශීය ලේකම් කොට්ඨාසය මධ්‍යම පළාතේ වයඹ බෑවුමට වන්නට ස්ථානගත වී ඇත. එය උතුරින් පුජාපිටිය ප්‍රාදේශීය ලේකම් කොට්ඨාසයෙන් හා කුරුණැගල දිස්ත්‍රික් මායිමෙන් වට වි ඇති අතර, නැගෙනහිර දිශාවෙන් පුජාපිටිය පරිපාලන මායිමෙන් හා හාරිස්පත්තුව ප්‍රාදේශීය ලේකම් කොට්ඨාසයෙන් මායිම් වි ඇත. තවද  දකුණු දිශාවෙන් හාරිස්පත්තුව පරිපාලන මායිමෙන් හා හතරලියද්ද  ප්‍රාදේශීය ලේකම් කොට්ඨාශයේ පරිපාලන මායිම සහ කුරුණැගල දිස්ත්‍රික් මායිමෙන් ද වට වි ඇත.
ගලගෙදර මැතිවරණ බල  ප්‍රදේශයට අයත් වු තුම්පනේ ප්‍රාදේශීය ලේකම් කොට්ඨාසය තුළ ග්‍රාම සේවා නිලධාරි වසම් 67 ක් ඇත. නමුත් කාලයකට ඉහතදි ගලගෙදර මැතිවරණ කොට්ඨාසය සතුව පැවතියේ ග්‍රාම නිලධාරි වසම් 124 කින් සමන්විත වු එක් ප්‍රාදේශීය ලේකම් කොට්ඨාශයක් පමණි. කෙසේ නමුත් වර්ෂ 1994 දි මහජනතාවගේ සුභසාධනය වෙනුවෙන් එය “ තුම්පනේ ” සහ “ හතරලියද්ද ” ලෙස ප්‍රාදේශීය ලේකම් කොට්ඨස 02 කට බෙදනු ලැබේ. ග්‍රාම නිලධාරි වසම් 67 කින් සමන්විත වර්තමාන තුම්පනේ ප්‍රාදේශීය ලේකම් කොට්ඨාසය ක්‍රියාත්මක වුයේ 2000 වර්ෂයේ සිටය.
මෙම ප්‍රාදේශීය ලේකම් කොට්ඨාශයට හිමි තුම්පනේ නාමයට පාදක වු ඉතාමත් ජනප්‍රිය ජනකථා හා විශ්වාස, ඓතිහාසික සිදුවීම් හා භූ විද්‍යාත්මක ලක්ෂණ බොහෝ ප්‍රමාණයක් දක්නට ලැබේ. ඇතමුන්ගේ විශ්වාසයට අනුව මෙම නාමය බිහිවි ඇත්තේ එය වට වි ඇති කොබ්බෑගල , බෝලගල සහ අලගල්ල යන කඳු තුන යන අදහස පදනම් කරගෙන යැයි පැවසේ. ජනප්‍රවාදයේ එන කථාවක් වනුයේ ගජබා රජුන්ගේ කාලයේ ඉන්දියාවෙන් රැගෙන විත් මෙහි පදිංචි කළ පිරිස 150 පමණ වු නිසා එය “ තුන් පනහ ” ලෙසද පසුව තුම්පනේ ලෙසද ව්‍යවහාර වු බව පැවසේ.
තුම්පනේ ප්‍රාදේශීය ලේකම් කොට්ඨාසයේ මුඵ වර්ග ප්‍රමාණය කිලෝමීටර්  63. 26 ක් වේ. ගම් හා කොලනි 120 කින් සමන්විත මේහි 2018 වර්ෂයේ සමස්ථ ජනගහණය ආසන්න ලෙස 41000 ක් පමණ වේ.