-
මුල් පිටුව
- පුවත්
ගලගෙදර ප්රාදේශීය ලේකම් කොට්ඨාසයේ බරන්දර ග්රාම නිලධාරි වසමේ නිලසෙවන සේවා පියස පරිශ්රය පසුගිය 2019.07.25වන දින සුබ මොහොතින් නිල වශයෙන් ජනතා අයිතියට පත්කිරීම.
මෙම අවස්ථාව සඳහා සම්බන්ධීකරන කමිටු සභාපති ගරු පද්මලාල් ද අල්විස් මහතා, ප්රාදේශීය ලේකම් තුමිය, සහකාර ප්රාදේශීය ලේකම් තුමිය, සහකාර අධ්යක්ෂ තුමන්, පරිපාලන ග්රාම නිලධාරි මහතා, ග්රාම නිලධාරි මහත්ම මහත්මීන් , සංවර්ධන නිලධාරී මහත්ම මහත්මීන් ඇතුළු පිරිසක් සහභාගි වූහ.
2019 - ප්රවීනයන්ගේ මළල ක්රීඩා තරඟාවලියේ මීටර 100, මීටර 200 දාවන තරඟ ඉසව් සහ දුර පැනීම ඉසව්වෙන් ප්රථම ස්ථානය ලබා ගනිමින් අප කාර්යාලයට මෙන්ම අප කොට්ඨාසයට කීර්තියක් ගෙන දුන් අප ආයතනයට අනුයුක්තව සේවය කරන සංවර්ධන නිලධාරි එච්.එම්.එස්.කේ හේරත් මහත්මියට කාර්යාලීය සුභසාදක සංගමය මගින් උපහාර තිළිණයක් සංවිධානය කර තිබුණු අතර එම තිළිණය ප්රාදේශීය ලේකම් එස්.එම්.සී ගුණරත්න මහත්මිය විසින් ප්රදානය කරන ලදී.
ප්රාදේශීය ලේකම් තුමියගේ පූර්ණ මඟ පෙන්වීම සහ කාර්ය මණ්ඩලයේ පූර්ණ සහයෝගය ඇතිව රාජ්ය පොසොන් උත්සවයට සමගාමිව “සබ්බේ තසන්ති දණ්ඩස්ස” (සියළු සත්වයෝ දඬුවමට බිය වෙති) යන්න තේමා කර ගනිමින් රජයටත්, ශ්රී ලාංකික සැමටත් සෙත් පතා සංවිධානය කරන ලද පිරිත් පිංකම් වැඩසටහන 2019.06.13 දින රාත්රියේ කාර්යාලීය පරිශයේ දී සාර්ථකව පැවැත්වුණි.
